"إسكندرية" ملهمة الشعراء
كتب - د . عبد الرحيم ريحان
عشقها المخرج العالمى يوسف شاهين فكانت "إسكندرية ليه" و"إسكندرية كمان" و"إسكندرية كمان وكمان"
وغازل بحرها أحمد فؤاد نجم
إسكندرية بحرك عجايب
ياريت ينوبني من الحب نايب
تحدفني موجه
على صدر موجه
والبحر هوجه
والصيد مطايب
اغسل هدومى
وانشر همومى
على شمس طالعة وانا فيها دايب
وعزفت على أوتار شاطئها فيروز
شط إسكندرية يا شط الهوى
رحنا إسكندرية رمانا الهوى
يا دنيا هنية وليالي رضية
أحملها بعينيه شط إسكندرية
البحر ورياحو والفلك الغريب
يحملها جراحو ويرحل في المغيب
وطلب العندليب منا أن تتناغم الشماسى على شطآنها
يا أحلى شمس وأحلى رمل وأحلى ميه
إحنا وشبابنا وحبنا في إسكندرية
جايين على نسمة أمل نرتاح شوية
والحر زى الشوق نهاره وليله قاسى
دقوا الشماسى
وحولها صلاح جاهين إلى راقصة باليه
إسكندرية أحسن ناس
عالبحر ماشيه تتمختر
من سيدى بشر لأبو العباس
أيوه يا عالم عالمنظر
وحفرها محمد قنديل فى قلوبنا
بين شطين وميه
عشقتكم عينيا
يا غاليين عليا
يا اهل اسكندرية
وشهدت غرام محمد الحلو
"تتر بداية مسلسل زيزينيا"
من كلمات أحمد فؤاد نجم
إسكندرية تاني وآه من العشق ياني
والرمل الزعفراني على الشط الكهرماني
والسحر اللي احتويته والبحر اللي احتواني
والبحر أبو ألف موجة والموجة بألف حالة
وأنا المغرم صبابة باسكندرية يابا
وتتر نهاية مسلسل زيزينيا
وعمار يا إسكندرية يا جميلة يا ماريا
وعد ومكتوب عليا ومسطر على الجبين
لاشرب من الحب حبه وانزل بحر المحبة
واسكن حضن الأحبه والناس الطيبين .