العلاقات السامة
بقلم : فرح الشعراوي
العلاقات السامة او العلاقات ال toxic
زي ما هو شائع هي علاقة دايما مهددة
و مافيهاش احساس بالامان و بيكون الطرف التاني عنده انانية و حب التملك
و ضيف عليهم انتقاد و تجاهل وضيف بقا قلة الاحترام و حب السيطرة و التملك.
طب انا ازاي اعرف ان الطرف اللي انا معجب بيه ده toxic
اولا : حاجة اسمها هات و هات تدي كتير
و هو بياخد اكتر ما بيدي و بيستنزفك .
ثانيا : بيقلل ثقتك في نفسك و بيخلي شخصيتك مهزوزة .
ثالثا : اهانته ليكي او ليك قدام الناس
رابعا : مخلي عندك over thinking و قلق و توتر .
خامسا: حاسس دايما انك متعصب
او اعصابك مشدودة لما يكون هو موجود
سادسا و اخيرا هو دايما الصح و انت اللي غلط او بيعلق غلطه عليك يعني بيخليك الشماعة اللي بتشيل اخطائه .
طيب في الحالة دي عزيزي القارئ
لو شوفت الحاجات دي نصيحة مني اجري لانك هتهدر طاقتك و هتدمر نفسك مع شخص عمره ما هيتصلح و هيستنزفك احنا تعبانين في حياتنا اصلا فمش هتكون ناقص حد يتعبك اكتر سواء علاقة عاطفية او صداقة او او او اتعب فترة قصيرة احسن ما تضيع عمرك كله.