جنحة الضرب في القانون المصري

 التفكير الزائد

 بقلم / فرح الشعراوي

طبعا اول ما شوفت العنوان عرفت انه هو اللي مش بينيمنا بليل ، هو اللي مأثر على شهيتك في الاكل ، عازلك عن اللحظات الحلوة ، مخليك قلقان طول الوقت ،طيب تعالى نتعرف عليه الاول .

 التفكير الزائد "over thinking":هو انك تشغل عقلك بالتفكير بطريقة مبالغ فيها لمدة طويلة .

التفكير الزائد بيتقسم لنوعين طبيعي و غير طبيعي 

الطبيعي: بيكون مؤقت ،يعني عندك مشكلة شغل ،جواز او اختيار تخصص ..الخ.

غير طبيعي: هو انك تفكر في امور كتيرة او احداث كثيرة حصلتلك في الماضي و تعد تحللها او تأنب ضميرك على موقف ما و تحس بالندم ، او انك تقلق من المستقبل.

طيب هو انا ازاي اعرف ان ده over thinking غير طبيعي؟؟

-نقص تركيز 

-مشاكل نوم 

-معندوش استمتاع باللحظات الحلوة 

-قلق،خوف

-عنده كذا عرض جسدي 

طيب هيكون اي الحل ؟؟

خلينا متفقين ان كل اللي في دماغك ده من وحي خيالك فانت بنفسك تقدر توقفها ، ولو كانت حاجة في الماضي فهي خلاص خلصت و متفكرش في حاجة حصلت في المستقبل عزيزي القارئ انت ليك الوقت الحالي .

اكتب افكارك السلبية في ورقة طلعها كلها هتلاقي انها كلها مش حقيقية و انها واخدة وقتك على الفاضي و انك تقدر تستغل تفكيرك في حاجات افيد .

و في حاجة كمان مهمة جدا تمرين التنفس ..حقيقي ده تمرين مفيد جدا جدا النفسية مش بس في لحظات ال over thinking كمان في اللحظات الغضب ، خد نفس عميق احبسة لمدة اربع ثواني و خرجه في ٨ ثواني .

حبيت اخليها اخر حاجة عزيزي القارئ لان و انت قاعد تفكر في المستقبل و الماضي و كل ده ربنا قال "و نحن اقرب اليه منكم ولكن لا تبصرون" يعني انت تعبان و قالق نفسك علشان شويه افكار سلبية و هو رد عليك بأية بسيطة علشان يطمنك ...عيش لحظاتك الحلوة و استمتع بيها انت مش هتعيش مرتين .