ابن إسكندرية يتحدى العالم ويكسب 200 ميدالية في وقت قياسي
حوار - دينا شكري سعد
مصري يُحكم في مسابقات عالمية للتصوير لأول مرة في مصر
شادي عصام شاب يبلغ من العمر ٢٧ سنة خريج سياحة قسم شركات طيران
أكتشف أن لديه موهبة وهو في الصف الأولى الثانوي .
ويقول.. بالصدفة كانت بيصور أصحابي بكاميرا والصور عجبتهم ، من هنا أحببت التصوير والكاميرا.
وها نحن نقول دائما أن يبحث الإنسان عن ما لا يعرفه عن نفسه لكي يجد موهبة يستطيع أن يتقن العمل بها وهذا ما فعله شادي واليكم التالي التفاصيل...
بعد أن تحدث شادي عن عمره وعن موهبة أضاف أيضا بأن والدته أكتر حد ساعدني ووقف جمبي وشجعني أدرس التصوير وقدمت لي في دبلومة تصوير .
ومن هنا بدأت في المسابقات والجوائز ومن هنا يظهر دور الأم العظيم التي تلعبه كثير من الأمهات لكي تستطيع أن تلبي حاجه ابنها لكي يصبح كما يريد أن يكون وهذا ما فعلته والدته شادي عصام .
واضاف أيضا شادي أن شقيقه له الفضل أيضا لأنه يقف بجانبه دوماً ويقوم أيضا باختيار الصور معي بعناية وتركيز شديد لكي افوز في المسابقات .
وأشار أيضاً بأن مسابقة نيكون كانت أول مسابقة اشارك فيها عام 2014 والصور وصلت للمرحلة الاخيرة في التحكيم وتم طباعتها وعرضها في معرض خاص بنيكون ،وده اللي شجعني اني اكمل في المسابقات وايضا اول مسابقة عالمية اكسب فيها جايزة كانت في صربيا ٢٠١٤ كل هذه المسابقات تابعة للاتحاد العالمي للتصوير الفوتوغرافي fiap
تاني مسابقة حصلت فيها على التصنيف السابع دوليا ثم الثاني علي مستوي العالم من ألمانيا وهي من أقدم وأهم مسابقات التصوير في ألمانيا .
وأشار أيضاً بأنه حكم مسابقة من أهم المسابقات في الوقت الحالي في روسيا وكانت أول مرة أحكم مسابقة دولية ٢٠١٨ عام واتصنفت السابع دوليا في واحدة من أكبر وأقدم المسابقات في ألمانيا ثم صنفت الثاني علي العالم في ٢٠١٦ – ٢٠١٧
وبسؤال شادب ما هي نصحتك للأشخاص الذين يحبون التصوير ؟
أجاب ... نصيحتي لاي حد حابب يبدأ في التصوير والمسابقات يتعلم ويدرس حتي لو وصل لمرحلة متقدمة من التصوير كل يوم في جديد والتعديل ولو مطورش من نفسه مش هيتقدم ولا هيبقي مصور شاطر
ويتفرج علي صور كتير انصحه بموقع 1x.com وهو من أهم وأكبر المواقع اللي فيه تغذيه بصرية كويسة جدا لاي مصور بيبدأ أو محترف .
كم عدد الميداليات التي حصلت عليها ؟ وهل كانت كلها عالميو ؟ ومن كام دولة ؟
٢٠٠ ميدالية منهم ٥ ميداليات ذهبية من الاتحاد العالمي للتصوير fiap و٧ ميداليات ذهبيه من الجمعية الامريكية للتصوير الفوتوغرافي psa، المسابقات كلها عالمية ٢٠٠ جائزة من ٤٥ دولة .
ما هي اشهر الدول التي حصلت منها علي ميداليات ؟ وهل قمت بتحكيم مسابقة في احدي هذه الدول ؟
اشهر الدول اللي اخدت منها جوايز صربيا - الهند - كنيا - كرواتيا - أسبانيا - رومانيا - الصين - تركيا - ألمانيا – فرنسا
اه وحكمت مسابقة في روسيا ٢٠١٨ وكانت أول مرة احكم مسابقة عالمية ودي كل الدول اللي كسبت منها
Serbia-montenegro-india-hungary-china-argentine-bangladesh-pportugal-luxembourg-brazil-kenya-albania-croatia-singapore-poland-romania-spain-ireland-cyprus-thailand-australia-bosnia-canada-norway-turkey-finland-france-greece-denemark-sweden-georgia-ukrain-nepal-iceland-germany-srilanka-bulgaria-belgium-croatia-malysia-hongkong-slovania-russia-scotland
هل يوجد بلاد عربية ؟
في دولتين عرب البحرين وتونس .
هل استغرقت وقت طويل في جمع هذا الكم الهائل من الميداليات ؟
لا خالص بالعكس آخر ١٥٠ جايزة حصلت عليهم في ٣ شهور فقط منهم ٣٧ ميدالية ذهبيه من الاتحاد العالمي للتصوير الفوتوغرافي فياب ، والمسابقة اللي حكمتها كنت أول محكم عربي مصري المسابقة تختاره للتحكيم .
سمعنا عنك انك منذ زمان كنت بتحب تصوير الشارع هل لديك هذه العادة
بعد الشهرة ؟
ولحد دلوقتي حتي بعد ما بقت مهنة أساسية ليا لسه بحب تصوير الشارع وبحب أوثق حياة الناس وبحب تصوير الحيوانات والطبيعة وده طبعا مش بيجيب فلوس خالص بس حب في التصوير لازم كل فتره أفصل عن الشغل واعمله .
هل تصور منذ سنوات طويلة ؟
أكتر من ١١ او ١٢ سنة بصور ولسه بتعلم وبحب اتعلم كل فترة حاجات جديده سواء في التصوير أو التعديل والايديت .
اتعلمت التصوير في الأول بالممارسة زمان مكنش فيه حاجة علي اليوتيوب زي دلوقتي .
من الممكن أن الممارسة تقوم بتعليم التصوير بدون الحاجة الي دراسة ؟
الممارسة هي أصلا اللي علمتني كنت بصور زي اي حد من أصحابي – ورد – عصافير اصور اي حاجة في البيت زي اي حد لسه بيبدأ في التصوير وكل يوم كنت بطلع صور احسن وكانت بكاميرا واحد صاحبي بالمناسبة كاميرا ديجيتال وبعد كده حبيت الموضوع اكتر وجيبت اول كاميرا بس مكنتش بروفيشنال كانت
semi profissional
ودي كانت البداية كنت بصور بيها حفلات وبدأت اتعرف شوية بعدين جيبت اول كاميرا بروفيشنال والحمد لله بصور كل انواع التصوير وكله بنفس الجودة سوء بقي بورتريه – منتجات – اشخاص
طبيعه – حيوانات – تصوير وثائقي .
اخذت دبلومة في التصوير ؟
اه بس في الاول اشتغلت شوية بعد كده بدأت أدرس أكتر واخدت دبلومة في التصوير من مراكز ونوادي تعليم التصوير عندنا في إسكندرية وبس انطلقت بعد كده في التصوير .
بعد ما اشتغلت هل صورت ممثلين ؟
اشتغلت وصورت شوية من الممثلين مثلا من ضمنهم محمود حجازي واغلب شغلي حاليا إعلانات ومنتجات .
لديك خبرة في الفوتوشوب ؟
الفوتوشوب ده كان في نفس فترة التصوير ويمكن أصغر كمان اتعلمته بسهولة حبيت موضوع التعديل والفوتوشوب ده من خالي هو اللي علمني في البداية.
وفي حاجة مهمه بالنسبة لي هي اني وصلت لكل ده بفضل والدتي هي اللي ساعدتني في البداية ولحد النهارده سواء بكاميرا أو اي حاجة تخص التصوير هي اللي قدمت لي في أول نادي تصوير عشان اتعلم واخد دبلومة في التصوير وواقفه معايا لحد انهارده .
واخويا هو اللي بيختار معايا الصور اللي ببعتها في المسابقة وبيتعب معايا والصور بتكسب .
ما هي طموحك ؟
نفسي مثلا او طموحي في آخر فترة ان الناس تشوف شغلي أو شغلي يوصل انا معايا جوائز كتير وحققت انجازات كتير باسم مصر ومش واخد حقي ومحدش عارفني لسه للأسف ونفسي اصور في حاجة تابعة لمصر في السياحة مثلا وكمان نفسي اقدر اسافر واصور بره مصر في حاجه تابعة لمصر او تحت رعاية من مصر في سهولة التصاريح والفيزا وشروط السفر وان كمان اقدر اسافر اتكرم واستلم الجوايز مثلا من كل الدول اللي كسبت فيها لان السفر صعب بالنسبة لي دائما بالنسبة لفلوس وإجراءات لانه طويلة جدا والموضوع صعب للغاية، وايضا نفسي اشتغل في تصوير زي الاعلانات
او المسلسلات والافلام .
هل أحد حببك في التصوير ؟
لو حد حببني في التصوير هي أمي واخويا اكيد هما اللي ساعدوني كتير اني ادرس الموضوع مش بس يبقي مجرد هواية وكانوا بيساعدوني كتير في البدايه ولحد انهارده لسه واقفين جمبي وبيشجعوني وكل حاجه وصلت ليها بفضل ربنا ثم هما الاتنين والصراحهة من غير تشجيعهم ومساعدتهم مكنتش وصلت لكل ده واللي حببني وعلمني الفوتوشوب من صغري
قبل حبي للتصوير فهو خالي .
نختتم الحوار مع شادي بآخر سؤال وهو ما هي نصحتك الأخيرة للشباب ؟
نصيحتي لأي حد حابب يبدأ في التصوير والمسابقات يتعلم ويدرس حتي لو وصل لمرحلة متقدمة التصوير كل يوم في جديد والتعديل كمان كل يوم في جديد لو مطورش من نفسه مش هيتقدم ولا هيبقي مصور شاطر .
يتفرج علي صور كتير انصحه بموقع 1x.com من اهم واكبر المواقع اللي فيه تغذيه بصريه كويسه جدا لاي مصور بيبدأ او محترف يصور كتير الممارسه والتصوير في الاضاءات المختلفه والظروف المختلفه هتخلي منه مصور شاطر القواعد مهمه جداا لازم يبقي عارفها ويكسرها بعدين لما يبقي محترف وهنا هيبقي مميز بحاجات مختلفه اكيد بس يكون عن فهم يقدم في اي مسابقه متاحه لان خبره في المسابقات هتيجي لما يقدم ويعرف مستواه وصل لفين في مواقع مهمه زي
gurushots.com
photocrowed.com
وفي الاخر هي مش تكه زرار ولا مجرد اشتريت كاميرا غالية فأصبحت مصور
ده علم وقواعد ودراسة وتعب ووقت ومجهود كبير .