عبد الحفيظ يوجه رسالة نارية إلى الغندور ومنتقديه
متابعة - محمود الشناوى
صرح الكابتن سيد عبدالحفيظ
مدير الكرة بالنادي الأهلي
عقب الفوز على الجونة فى الجولة ال 26 من مسابقة الدوري
بهدفين دون رد على ستاد الأهلى بالسلام موجهاً حديثه إلى من انتقده في نهائي كاس مصر وعدم المرور من الممر الشرفى للاعيبة الزمالك وعدم السلام باليد على مرتضى منصور رئيس نادي الزمالك أثناء تسلم ميداليات المركز الثانى عقب خسارة الأهلى كأس مصر قائلا:
أنا راجل عندي 45 سنة معتقدش أن اللي جاي هيبقى قد اللي راح مستحيل تعيش قد اللي عيشته مستحيل توطي دماغك ممكن ميجيلكش فرصة تانية ترفعها
ولا يصح لاحد على مدار 4 أو 5 سنوات يتجاوز في حقك وحق أهلك وحق بيتك و وطنيتك ولما أشوفك أسلم عليك ده لو آخر يوم في عمري مش هروح أسلم عليه الموضوع منتهي
واضاف سيد عبدالحفيظ موجهاً حديثه إلى خالد الغندور حاطتني في دماغه بشكل كبير أصل الأصل محدش بيشتريه ولا بيعلمه ومش أنا الشخص يا خالد اللي أبقى قاعد في إستديو و واحد يطلع يهين أبويا وأمي وشخصي وأطلع بعدها أقوله أنا آسف يا سيادة المستشار أوبعتذرلك مش أنا يا حبيبي وعمرها ما تحصل علشان الرزق دا بتاع ربنا
وذكر عبدالحفيظ هي دي الدنيا ببساطة و أنا عندي 45 سنة ممكن ميسعفكش الحظ ولا الوقت انك لو وطيت راسك متعرفش ترفعها تاني
واضاف عبدالحفيظ يجب ألا نفقد الإصرار والعزيمة تحت أي ظرف الفترة الحالية صعبة لابد أن يتكاتف الجميع لتخطى هذه المرحلة أصول ومبادئ وقيم الأهلي ثابتة ولن نسمح بالمساس بها .ثقافة الأهلي هي الرغبة في الفوز دائما ومن الطبيعي أن يحزن الجميع مع أي خسارة والبعض لا يرغب ان تكون هذه الثقافة لدينا