رجل واحد تحت السرير تكشف سر مقتل مسن على يد ابن زوجته
كتبت _ نوره سليم
لقيت رجل واحدة تحت السرير.. بهذه الكلمات بدأت زوجة المجني عليه حديثها في واقعة مقتل مسن يدعى فتحي حمدي، يبلغ من العمر 56 عامًا، على يد ابنها و يدعى «عيد»، مشيرة إلي أنه أقبل على إنهاء حياته، بسبب طمعه في الميراث، بشارع الورش التابع إلى مدينة الزقازيق في محافظة الشرقية.
وأضافت أرملة المسن المجني عليه رحت قضيت إجازة العيد عند أهلي ولما رجعت سألت ولدي على زوجي قالي إنه راح الشغل ومعرفش حاجة عنه.
وأشارت زوجة المسن المقتول، إلى أنها طلبت من ابنتها أن تساعدها في تنظيف المنزل بعد عودتها، موضحة: قلت لبنتي تعالي ننضف الشقة، علشان عايزة تنضف، وفجأة لقيت رجل واحد تحت السرير وشيلنا المرتبة عشان نشوف لقيت جوزي مقتول وسايح في دمه ونزلت اجرى في الشارع أصوت واصرخ عليه.
وأكملت: ابني بيشرب مخدرات من زمان وعمته هي السبب في أنه يتعاطى المخدرات خلال الفترة التي كان يقيم معها داخل منزلها.
وتابعت: جوزي كان بيجبلي كل حاجة، وكان حنين وحضنت جوزي بعد ما لقيته تحت السرير وفضلت اصرخ.