جنحة الضرب في القانون المصري

 الفن مش مهنة  الفن أخلاق سمير صبري الصاحب الجدع

كتبت: شيماء محمود

 لا يمكن تلاقي حد من الوسط الفني في أزمة صحية أو بيمر بضائقة من أي نوع الا وتلاقي سمير صبري جنبه على سرير المستشفى وملازمه ليل نهار 

أغلب الفنانات والفنانين اللي توفوا أيامهم الأخيرة كلها وسنين حياتهم الأخيرة كلها قضوها في صحبة سمير صبري 

هند رستم لما استضافوها بعد سنين طويلة قالت محدش كان بيسأل عليّ الا سمير صبري بس

تحيه كاريوكا قضت آخر  فترات حياتها كلها وسمير صبري هو اللي بيأكلها بإيده ويشربها لحد ما ماتت علي كتف سمير 

سعاد حسني قبل ما تموت كانت بتقول محدش من مصر كان بيجيلي كل شوية مخصوص لندن الا سمير بس وكان بيجيلي مش عشان إبنه حسن الطبيب المقيم بلندن لا كان بييجي لسعاد ويروح على طول

حتى شاديه الفنانة المعتزلة من ٣٠ سنة محدش بيزورها ولا يسأل عنها الا هو بس وبصفة دائمة ومستمرة 

   

في أي عزاء تلاقيه أول واحد وفي أى محنة لفنان تلاقيه أول واحد وفي أي واجب تلاقيه موجود، وهو أول واحد يتصل بالفنانين يعرفهم مين توفى او مين عيّان ويشجعهم يعملوا الواجب 

الصاحب الجدع اللي زي ده مش سهل تلاقيه في ظل الندالة والمصلحة اللي أصبحت منتشرة بين الناس

متقدرش غير انك تحترمه وتحترم علاقته بزمايله وصحابه وتتمنى يكونلك صاحب جدع زي ده