داليا البحيري : هناك جزء خامس من يوميات زوجه مفروسه أوى
متابعه: الاء عزت
داليا اعترفت بأنها كانت تشعر بالرعب قبل تقديم الجزء الأول من المسلسل، وقالت خلال حوارها فى برنامج "أحلى كلام" برفقة الفنان هانى رمزى، والذى يقدمه الفنان أحمد فهمى على قناة الحياة قائلة: كنت مرعوبة جدا من المسلسل.. وقولت لو فشل المسلسل ده هقعد فى البيت خلاص مش همثل تانى، وبعد كده اتقال فيه جزء تانى وتالت ورابع، ووصلنا لبليون و800 مليون مشاهدة على جوجل للمسلسل، وتم تصنيف المسلسل من أفضل المسلسلات مشاهدة
وتابعت: " مسلسل "يوميات زوجة مفروسة أوى، كان فية حاجات كتيرة جدا وقمت بأدوار مختلفة منها تاجرة مخدرات، وكنت بعمل للشخصية ميكب قبيح، ودى كانت من الشخصيات الرهيبة، عملت 4 أجزاء وهناك جزء خامس.. العمل عائلى ويمس العائلة المصرية، وناقش العديد من القضايا المختلفة".
وتحدثت داليا البحيري عن أسرار وكواليس مرحلة طفولتها، مؤكدة أنها كانت هادئة جدا فى منزلها، وأضافت: كنت هادية جدا ومكانى فى البيت، احنا كنا ولدين وبنتين وانا كنت تانى بنت.
وقالت: عارف تانى واحد من نفس النوع ملوش أهمية، مش كنت البنت البكرية، والصغير بيكون مميز، وانا مكنتش اعرف موقفى.
تابعت قائلة: لما كبرت شوية وبقى ليا شخصية وبدأت تظهر، بقيت ابقى مميزة عندهم خاصة عند بابا، وعشت خلال مرحلة الطفولة فترة فى السودان، بسبب ظروف عمل والدى هناك.