أنغامي تتعاقد بشكل رسمي وحصري مع عمرو دياب لإذاعة أغانيه
متابعة - حسني مبارك
بعد ما كل أغاني الهضبة اتمسحت فجأة من على كل المنصات الموسيقية وكمان من قناة عمرو دياب على يوتيوب! أغاني عمرو دياب راحت فين؟! ده السؤال اللي كل الناس بتسأله حاليا.
من بعدها وسمعنا تفسيرات كتير: هل الهضبة اعتزل؟ لا ده هيعمل منصة لوحده يحط فيها كل اغانيه.. لا لا دي بس مشكلة تقنية ويوم ولا يومين وتتحل وترجع كل أغانيه زي ما كانت والناس تسمعها وتشوفها.
في الحقيقة اتضح انه مفيش ولا تفسير من دول صح ومفيش حاجة هترجع زي ما كانت، ده لأن منصة أنغامي النهاردة اعلنوا بشكل رسمي عن توقيع اتفاق مع عمرو دياب، بينص على إن كل أعمال الهضبة القديمة والجديدة والمستقبلية، من إنتاج شركة "ناي فور ميديا" هتكون حصريا على أنغامي، وكمان كل أغانيه وكليباته الجاية هتنزل على الأبليكيشن مجانا.
خطوة ضخمة من أنغامي، خصوصا لما نكون بنتكلم على ميجا ستار وفنان مصري واصل للعالمية زي عمرو دياب. كمان هي خطوة منطقية، وده لأن عمرو دياب دايما عنده أعلى عدد مرات استماع على منصة أنغامي ومحقق بأغانيه رقم مقرب على المليار! وبكده نقدر نقول لكل اللي بيحبوا الهضبة إنهم مش محتاجين غير أنغامي عشان يسمعوا كل الأعمال اللي بيحبوها.
وتعليقا على الاتفاقية، قال عمرو دياب في تصريحات صحفية: "أنا متحمس جداً لهذا المشروع الجديد الذي يساهم في تعزيز علاقتي بجمهوري، والوصول إلى مستمعين جدد حول العالم. وقد اخترت أنغامي باعتبارها منصة عربية استطاعت ترسيخ مكانتها عالمياً، وتقدم الثقافة العربية على المسرح الدولي، ولأنني أشاركها الرؤية نفسها في تطوير المواهب المحلية ومساعدتهم على إيصال أصواتهم حول العالم. ولا يقف التعاون عند هذا الحدّ فقط، إنما يشكل بداية شراكة استراتيجية أوسع نطاقاً مع أنغامي، حيث سنتعاون معاً لإيصال رسالتنا.
منصة أنغامي أصبحت واسعة الانتشار وكل يوم بتطور من المنظومة بتاعتها.