صدقيني
بقلمي الشاعر : محمد غبن
صدقيني حبيتك
بجد لأني محتاجلك
يا ضي عيني
يعني مش بتسلي بيك
لاء وحياتك
نفسي تبقي معايا وتراعيني
أنا زي خلق الله
بس غيرهم بدور ع الإحتواء
هتقولي قدامك كتير
وغيري من النساء
إشمعني أنا ممكن افهم
و ليه اتعلقت بيا
بإختصار يا أميرتي
قلبي لما شافك وحسك قال هي ديا
قولتله طيب ياقلبي إشمعني هيا
قالي فيها حاجات كتيره
لسه بدري لما تعايشها
مش هخبي عليك ياصاحبي
دية القمر يستحي من جمالها
ولا الشمس تيجي تسلم عليها
وهي قاعده في دارها
ولا الطيور لمست
فيها كل أحاسيسها
المليانه رحمه ومروءه
وهي بتطبطب عليها
ولم تيجي تصالحها
يااااه ياقلبي للدرجه دي
باين عليك والله عارفها
أيوا فيه انواع م النسا
عارف مكرها وعارف دلالها
يعني تفتكر هتعوضني سنين شقايا
اللي كنت عايشها
طبعا بس إوعاك تتأخر
ممكن حد يجي ليها قبل منك
اللي زي دي جوهره
وياريت تكون من بختك و حظك
وابقي سلملي عليها وقولها
إطمني قلبي معاك و دايما في ضهرك .