ياست الجمال والحسن
شعر غنائي هاني الحداد
يا ست الجمال والحسن
في عنيكى الفرح والحزن
محيرني صحيح وبجد
في قلبك لسه ليا حب
ولا بس أنا اللي بحب
منايا منك أسمع رد
ساعات بشوف في عنيكي
فرحه ماتتوصفش
وساعات بحس إنك حزينه
ليه معرفش
وساعات بتوه في عنيكي
والله بالساعات
وأرجع و أداري حيرتي
تاني بالسكات
والسؤال هوه السؤال
في قلبك لسه ليا حب
ولا بس أنا اللي بحب
ساعات بشوف إني الحبيب
مش حد تاني
وساعات بحس ان الغرام
راح ما جاني
وساعات بتوه في عنيكي
والله بالساعات
وأرجع و أداري حيرتي
تاني بالسكات
والسؤال هوه السؤال
في قلبك لسه ليا حب
ولا بس أنا اللي بحب