قولي يا ابني
بقلم الشاعر : احمد نيازي
بس قولي يا ابني
وخدني فين
بتقولي لم خلجاتك
هما يدوبك بطانيه
ومخده وهدمتين
بس قولي ياابني
وخدني فين
لدار مسنين بعد تعب السنين
طب سبني اعيش
في الاوضه ديه
اللي شافت فيها فرحت عنيه
اللي دقت فيها كل الحنين
بس قولي وخدني فين ياابني
ليه تقسا عليه جبت القسوه منين
بس قولي ياابني وخدني فين
كل الشجر عالي
وشجرى انا اللي مايل
بتقولي يابا نتحاسب
هتطلع ياابني متداين
دين ودين بس قولي
ياابني وخدني فين .