الفنان ... علي الشريف "ودوني عند خضرة عايز أموت وأنا مطمن "
كتبت - شيماء محمود
الفنان علي الشريف لما راح يتقدم لزوجته قالها " أنا مليش حد في الدنيا دي وأنتِ كمان ملكيش حد فيها اما نكون سند لبعض في الدنيا دي
يا اما كل واحد يتعكز على نفسه ويواجه الدنيا لوحده "
ولما بقى فنان ومشهور ومرتاح ماديا خافت ليتجوز عليها وبدات تهتم بيه بشكل اكبر لما خد باله من فرق المعاملة ضحك وقالها أنتِ خايفة اتجوز عليك عشان أنا ممكن اقابل ستات أجمل منك أنا عمري ما أنسى الست الاصيلة
اللي فضلت سندي في الوقت اللي كنت مش معايا فلوس
ولا املك حاجة ولا لاقي أكل
يوم وفاته كان في بروفة مسرحية ولما تعب جامد رفض يروح للدكتور وقالهم " ودوني عند خضرة عايز اموت وأنا مطمن "
ولما وصل البيت جمع ولاده وقالهم " أمكم دي اجمل وافضل ست في الدنيا بالله عليكم متهينوهاش بعد ما موت "
وبكى
قبل ما يموت قالها " متصرخيش عليا بعد ما أموت وخدي بالك من العيال ولو عايزة تتجوزي بعدي اتجوزي أنا راضي والله يا خضرة "