بطل تغني
كلمات - يوسف عطاالله
بطل تغني واكتم صوتك
ماتقولش لحد
خلي كلماتك فى قلبك مكبوتة
جزر ومد
سيبها نايمة واوعى تصحيها
صدقنى بجد
ممكن تحلم انك بتتكلم
لاكن خبيها وإتألم
ماتعليش صوتك غني فى سرك
بصوت مش مسموع
خلي سرك فى بيرك
وماتبوحش حتى لعبيرك
دا الزهور الوان
فيها الطيب والحلو والرضى
وفيها كمان اللى خااان
الزهرة الجميلة بيحاول
الشوك يقرب منها
وقلبها الصافي يطلع عطره
يبعد الشوك عنها
رحيق ونسيم عطر الشوق
يبخر المكان منها
عمر القاسي مايفرز غير القاسي
والقلب الابيض يطلع عطر المسا
مايتخلقش من ظهر العالم فاسد
ابن الطيب يطلع طيب طافي
والورد الابيض بيجيب العسل صافي
بس كفاية ماتغنيش
سرك كده بدأ يبان
والكلام يتعاد زي اللبان
خليها الحان او كلمات ابيات شعر
خليها احساس فناااان
ماأنت الفن كله وليه دايما ساكت
غني وطلع اللي جواك
لحن اكتب نثر او هجاء
عبر دايما عن الحاء و الباء
دولا اجمل حرفين
نزلوا من السماء
حب مش غناء
الف لام ميم مش ألم
دى حروف من إعجاز الخلاق
وواحد اثنين مش عدد ده الهام .