جرالك إيه
شعر هاني الحداد
جرالك إيه نسيتي ليه
كل اللي كنا بنحلم بيه
مش معقوله كدا بسهوله
تضيع أحلامنا
شويه صبر لسه العمر
طويل قدامنا
مشوارنا بدأناه وحايكمل
مهماحايجري مهماحايحصل
إيه يعني لو نتعب حبه
في سبيل إن المركب توصل
ياله تعالي نحلم تاني
ونرجع ضحكه أيامنا
مش معقوله كدا بسهوله
تضيع أحلامنا
شويه صبر لسه العمر
طويل قدامنا
جرالك إيه نسيتي ليه
كل اللي كنا بنحلم بيه
أحلامنا على أد إيدينا
لابعيده ولاصعبه علينا
بس إحنا نحاول وياها
و مسيرها تتحقق لينا
يله تعالي نحلم تاني
ونرجع ضحكه أيامنا
مش معقوله كدا بسهوله
تضيع أحلامنا
شويه صبر لسه العمر
طويل قدامنا
جرالك إيه نسيتي ليه
كل اللي كنا بنحلم بيه