اللى حبك
قصيدة - اللى حبك
للشاعر والأديب
عماد الدين محمد
اللى حبك من سنين
ووسط حزن الليالي
بيمسح دموعك
اللي سالت على الجبين
وقلبك
اللي كان مجروح
وقلمك من الهم
بات مكسور
يكتب الشجن
يوصف في صمت
إيه معنى الندم
على العمر اللي ضاع
صحيح المكتوب مكتوب
لكن الأمل واليقين
بقلب عاشق
مد إيده من عتمته
يزيح ستار الليل
يتلقى إيدكِ
يتسند على عودكِ
لقى الفجر لاح
ووسط زحام الحياة
عزف لحنكِ
وكتب غنوته فى عشقكِ
إنتظاركِ إختياركِ
من بين نساء الكون
عارفه ليه
علشان عيونك
اللي تشبه سما الخلود
والوعد والموعود
والحب المولود
فى عتمة الليل
وسط قضبان وحدود
بس عارفه
عندي أمل فى الوجود
بين حضن ربيعكِ
والحب بينا
يكبر فى ربوعكِ
أنا باقي على عهدي
حلمي بيكِ
يوم لقاكِ
إنتظاركِ
لا يوم هابيع
ولا غيركِ يسكن قلبي
محراب صلاتكِ
ولا يوم غير نجمكِ العالى
يرشد عيوني
ايوه عايزكِ
من البداية للنهاية
وحبكِ عندي
أول وآخر الحكاية .