حلك تفهمني حلك
بقلم الشاعر : علي بدر سليمان
قالت مابقدر حبك
مضيع قلبك وملبك
تايه مهموم وحيران
مابمشي أبد بدربك
وهالقلب بيرجف تعبان
مش قادر يحكي مفكك
عينيها شعاب المرجان
وخدودا عطر ممسك
سارح بعيونا وغرقان
وهيي عليي عم تضحك
وعليها جار الزمان
مرضت ماعد تتحرك
وعليها بكيت وحزنان
قصدتا والجسد موعك
قالتلي قلبي خسران
لمن بعدتو عنك
والجسد بيهتف ندمان
لمن بحبك شكك
قالتلي بحبك عدنان
حلك تفهمني حلك
وأنا يلي فيها ولهان
نيرانا تولع سرك .