جنحة الضرب في القانون المصري

 المحبة 

 رؤيه بقلم .. مصطفي العموري

 الاسم والصيت مش بالمال ولا الغش والخداع يصنع الرجال وصدق والله اللي قال ان المحبة مش كلام المحبة مواقف وافعال المحبة مقابلة بابتسام المحبه كلمة تنسيك الألام المحبة طبطبة برفق وحنان بلمسة واحدة تشيل من قلبك الاحزان المحبه قعدة بعدها ترجع مبسوط وفرحان المحبه صُحبة متحسش معاهم بوحدة او حرمان المحبة ود ومودة واحترام وقبل كل ده التزام تغنيك عن الحوجة والسؤال المحبة سند ووقفة جدعان ايوة وقفة رجالة المحبة ابقى عايش حاسس بالامان بتكلم وبرغي او حتى بشكي بامن وسلام المحبة لو غبت عنك الاقي منك اهتمام الاقي السؤال المحبة يعني لمة عيلة و زوجة وعيال المحبة يعني شلة يسود بينهم الوئام المحبه يعني قرايب ميعرفوش الا الوصال ومفيش مبينهم افعال لئام المحبهطة هي صاحب ميسبكش لو غرقان يجري ويبات قلقان لو انت بت يوم عيان يحس بيك لو كنت بس يوم تعبان ويلف بيك لا يقول شقيان ولا صرفت فلوس ومال ميطمنش غير لما تتحسن معاك الاحوال حد محتاج اقول عنه الفين موال المحبة اخ راجل وبيك عمره ما يبقي تاجر لا يبيع ولا يشتري فيك في كل المراحل اخ يبقي سند وسر اخ حر مش معاك يبقي خاين قادر و فاجر اخ يواجه معاك كل المعارك و كل المخاطر ودايما عاملك الف خاطر المحبة بتبان على الوشوش ومن غيرك الجمع ميتلموش ولا يكملوش وغير سيرتك الحسنة ميجيبوش لما تلاقي الناس عنك ميستغنوش وان غبت يوم يسالوا وميسكتوش غير لما يطمنوا او يعرفوا انك بخير يا ميرتاحوش بالمودة والمواقف والافعال مهواش سحر مرشوش حب ومحبة الناس نعمة اعرفوا ياللي مبتفهموش المحبة اطاعة لأوامره المحبه تصبر على قضاؤه وقدره المحبه قلب راضي وشاكر لنعمه فيحبه ربه ويحبب فيه كل خلقه وده هو وعده ربنا يكرمنا يارب من عنده ومن فضله ويزيدنا ويزيدكم من عزه وكرمه .