جنحة الضرب في القانون المصري

 محسن محيي الدين عن زواجه من الفنانه نسرين

كتبت: شيماء محمود 

كلمنا بقى عن علاقتك انت وزوجتك وازاي حبيتوا بعض واتجوزتوا 

 هي كانت معايا في برامج الأطفال واحنا صغيرين بس هي كانت النجمة في الأغاني وانا كنت في الصف اللي بعدها يعني وهي طول عمرها ما شاء الله زي القمر فكان عندي حلم بقى الطفولة اللي هو يا سلام لو انا اتجوز دي مثلا 

 طب وأكتر حاجة لفتت نظرك فيها ايه. عينيها الحلوة 

 لأ هي ما شاء الله يعني عندها حضور عالي وشخصية مميزة ونجمة من وهي طفلة يعني حاجات كتيرة اوي غير انها جميلة فطبعا انا كنت بحبها من وانا صغير بس البنات لما بيكبروا مبيبصوش للعيال الصغيرة

 بيبصوا للشباب الكبار فهي لما كبرنا اتجوزت الاستاذ محمد اللي كان بيلحن للأطفال وانا كنت حزنان بقى قلت طب مش تستنيني يعني بس وراح الزمن هي اتجوزت الاستاذ محمد فترة صغيرة جدا 3 سنين وتوفى بعد كده وبقت أرملة وهي عندها 19 سنة تقريبا وكان معاها بيبي

 وبعد سنين كتير اتقابلنا في مسلسل "أبواب المدينة" وبدأت بقى انغشها شوية  بعد كده انا سافرت فرنسا عشان فيلم "وداعا يا بونابرت" وكانت هي في فرنسا وكان والدي محتاج دوا  فقابلتها وقلتلها ادي الدوا ده لوالدي لما ترجعي 

 راحت ادت له الدوا واتعرفوا على بعض وبقوا حبايب وأصحاب هي ووالدي ووالدتي وحبوها 

 بعد ما نزلت مصر بفترة قصيرة توفى والدي فلقيت والدتي بتقولي وصية أبوك انك تتجوز نسرين فجات على الطبطاب بقى واتجوزنا في حد يخالف وصية زي دي برضه