فلسفة وإتقان غير عادية يحيي الفخراني فى ونوس
كتبت : شيماء محمود
اي ممثل جسد دور شيطان كانت فلسفته قايمة انه يظهر شيطان زي اللي كانوا بيحكولنا عنه واحنا صغيرين مخيف ومرعب
بيفضل طول الوقت يوترك ويخليك مش قاعد علي بعضك ودة تقريبا اللي عملوا كل الممثلين حين جسدوا الشخصية
ولكن لكل قاعدة استثناء يحيي الفخراني لما جسد دور الشيطان في "ونوس" كان مختلف تماما عن الفلسفة دي ظهور يحيي الفخراني كان مبهج اكتر من مخيف
يحسس اللي قدامه انه صاحبه ومش بيحاول بأي طريقة انه يرعبك او يحسسك بالخوف
بيرمي ايفيهات وبيهزر ودمه خفيف لاقصي حد قدم الدور مش بشكل فج انه يرعب اللي قدامه لكن بالوسوسة والإقناع اللي هما بذرة الشيطان نفسه
يمكن ممثلين كتير قدموا دور الشيطان بشكل عالي ومتقن لكن يحيي الفخراني مش بس قدمه بإتقان ولكنه كان
مختلف عن اي حد