"حالة من الهرج والمرج"
بمدرسة عمر مكرم بمحافظة الإسكندرية
كتب - حسام إبراهيم يوسف
مدرسة حكومية في الاسكندرية
هى مدرسة عمر مكرم
خرّجت أطفال سنة أولى ابتدائي بدري عن معادهم والأهالي جت مش لاقيين عيالهم- والخبر مُرفق فيه فيديو مؤلم وحزين مليان صراخ وعياط وذهول وحالات إغماء بين الأمهات قلبهم مفطور على عيالهم وبيصرّخوا في المشرفين قدام بوابة المدرسة "ابني فين" "عايزة بنتي"..
تخيلت المشهد وحطيت نفسي جواه
ازاي مدرسة كاملة بمديرها بمدرسينها بعمالها بمشرفينها ومشرفاتها ومُدرساتها وداداتها اللي بالتأكيد معظمهم أمهات، وافقوا وسمَحوا وعَدوا قدامهم مشهد خروج أطفال عمرهم ست سنوات لسه جايين من حضن أمهاتهم على المدرسة ولسه بادئين يشوفوا دنيا مش شبه دنيتهم من كام ساعة بس، فيخرجوهم كلهم قبل وصول أهاليهم من غير مايفكروا في مصيرهم برة بوابة المدرسة!! ازاي دا حصل وازاي ضمايرهم سمحت بكدا!!
ليه أم بدل ما تفرح ان ثمرة حياتها -اللي تعبت وشقت عليها أو عليه سنين -كبر ودخل المدرسة، فتفقده بالسهولة دي ومن غير أي تقصير منها أول يوم دراسة!
والمؤلم أنه اتضح ان كل هذا حدث عندما فتح الأمن البوابة
للفترة الثانية قبل ميعاد الفترة الأولى من الخروج فقد حصل مشادات بين أولياء الأمور
وحالات من الإغماء بسبب
أطفال الفترة الأولى الذين ضاعوا وتاهوا بين أولياء الأمور
أين المسؤولين
اين لجان المتابعة
أين وأين.....
أين نحن.....
ويبقى السؤال المهم
هل هذه منشأة تعليمية أم أنها غابة.