أنت اتغيرت ليه
كتبت /جاكلين ادوارد
ماتسألوش حد أنت أتغيرت ليه
لأنه أكيد هيكون التغيير ده
نتيجه لحصاد أفعالكم ومواقفكم
قبل لما تقول لحد أنت أتغيرت معايا كده ليه اسأل نفسك وشوف أيه الظروف اللى وصلته للمرحله ديه
الصراع ده فعلا صعب ومميت جدا نفسيا بيبقى فيه الواحد تايه
مابين طبيعته وفطرته وأحساسه وحبه ومدى أرتباطه بالآخرين
ومابين أن يأخد حقه ويأخد قراره بالبعد من كل الضغوط التيوضعت او فرضت نفسها عليه وبقى فيها
قبل ماتقول لحد انت أتغيرت معايا ليه؟؟؟
شوف كام مرة كان معاك جميل ومخلص وكان صبره عليك طويل
لما تلاقى حد بيحبك وبيستحملك وبيخاف عليك فى كل ظروفك
أوعى تتغط عليه وتفكر أنه عديم الشعور ده بس من حبه ليك كان بيستحمل
حاول تتعب نفسك بس شويه وتفكر هو اتغير ليه ومبقاش ولا قادر يعاتب ولا بيستحمل وبينسحب من اى نقاش
اصله ببسااااااااطه كده بطاريته خلصت وقفل خلاص بمعنى اصح
فضى شحن
أيوه فضى شحن أصل المعامله الحلوه والأحساس والحب هما دول اللى بيدونا شحن هما الطاقه اللى ممكن نمشى بيها وتخلينا قادرين نستحمل وما نفصلش
