وسهرت أنا المجروح
شعر هاني الحداد
وسهرت أنا المجروح
أبكي على حالي
آه من حبيب الروح
بالعشق كان مالي
القلب داب وإنكوا
والحب ضاع في الهوا
وصرت كلي جروح
والآها موالي
كاس الهوا الغدار
سقاني مر ونار
ورماني في متاها
أولها شوق كداب
وآخرها ويل وعذاب
وغلبت أنا معاها
القلب داب وإنكوا
والحب ضاع في الهوا
وصرت كلي جروح
والآها موالي
وسهرت أنا المجروح
أبكي على حالي
آه من حبيب الروح
بالعشق كان مالي
ظلمني حب القمر
ضيعلي عمري هدر
وسابني أآسي الويل
خلف في قلبي الألم
ولا باقي غير الندم
ودموع ع الخد سيل
القلب داب وإنكوا
والحب ضاع في الهوا
وصرت كلي جروح
والآها موالي
وسهرت أنا المجروح
أبكي على حالي
آه من حبيب الروح
بالعشق كان مالي