أحمد زكي يهدي عبدالله محمود أجمل هدية على طريقة الخاصة
كتبت: شيماء محمود القاهره
"عبدالله محمود" الله يرحمه أثناء تصوير فيلم "الإمبراطور" مع "أحمد زكي" راح التصوير وهو متضايق ومخنوق
"أحمد زكي" لاحظ فسأله رد عبدالله مفيش "أحمد زكي" ضغط عليه عشان يعرف ماله لأنه كان باين جداً إنه متغير
عبدالله محمود قال (عيد ميلاد خطيبتي بكره ومش معايا فلوس عشان أجيبلها هدية ولما طلبت جزء من أجري من الإنتاج قالولي لسه بعد كام يوم) بمنتهي الجدعنة بيقول أحمد زكي
بس كده طيب خلاص هات بكره "حنان" معاك وإنت جاي التصوير وملكش دعوة بحاجة جه فعلاً "عبدالله" ومعاه خطيبته وفوجىء إن "احمد زكي" حول اللوكيشن لمكان إحتفال كبير بعيد ميلاد "حنان" شارك فيه كل العمال والقائمين على الفيلم وكانت أحلي مفاجأة
مش بس كده ده كمان خد "عبدالله" على جنب وإداله ما يساوي بمعايير وقتها ألف دولار عشان يفسحها بعد الحفلة
