المخرج عمرو عرفة انا مش عارف أخرجت المشهد ده إزاي
كتبت - شيماء محمود القاهره
كنت كل يوم بعدي على أستاذ سعيد صالح أحكيله المشهد عشان يحفظه لإنه كان للأسف ابتدى ينسى في الحقيقة وكان كل يوم بيحس كأنه بيسمع المشهد لأول مرة
كنت مرعوب جدا و لكن ملقتش حد أنسب منه عشان يقوم بالدور ده لحد ما اتفاجئنا يوم التصوير أنه قال كلام مختلف خالص عن اللي مكتوب فالمشهد حاول المساعد يوقف التصوير جريت عليه و منعته إنه يعمل ستوب و كملت تصوير المشهد بأرتجال أستاذ سعيد صالح اللى مكنش موجود بالنص
المفاجاه إن المشهد تم بأداء أروع مما كنا نتخيل و ظهر المشهد بشكل أحلى بكتير من الأصلي
لو في تاريخي كله حاجة تستحق إني أفتكرها و افتخر بيها هتبقي إني تعاونت مع الأسطهوورة سعيد صالح حتي و لو مشهد واحد الله يرحمه تاريخ طويل و كبير
المخرج عمرو عرفة عن مشهد دار المسنين في فيلم زهايمر وده كان أخر مشهد للراحل سعيد صالح قبل وفاته