أمثال وحكم متنوعة
د.صالح العطوان الحيالي. العراق
لا تستغل
لا تستغل المودة والمحبة وتكرر الزلـه
يا من ملكت القلب بخيره وشره
صاحبك أن كان عسل لا تاكله كله
خلي العسل ينفعك .. لأيامك المره
ترى القبر طوله متر و شلون متر
ياويلي
ياويلي من يغتاب المحصنات
أقوى رجل من يعطي البنت ستر
وأضعف رجل من يكشف أعراض البنات
من كان فعله سيء كان ظنه سيء على طول
ابد ما تتامل منْه حاجه صحيحـــــه
مثل اللي يدوّر نصيحة من عقل مهبــــول
مثل اللي يدوّر من عـــدوّه نصيحـــــه
في بالي
في بالي كلمة وفي قلـبي جرحين
عجـزت اترجمهم بلحن القوافـي
ما زاد همي في هذا الوقت غير اثنين
كذبـة محب وطعنـة صديق يقول وافي
ماطاح في قلب المحبة غير الاوجاع
وماشالت كفوف الندم غير ضيقه
أثر المحبة لو زاد عن حــده أنبــاع
مثل الدفيء لو زاد عن حدة يصبــح حريقــه
ياقلبي
يا قلبي أدري بك طاهر وحساس
لا بآس و إن كانت جروحك كثير
حزنك وضيقك وإنعزالك عن الناس
صدقني إنها بعض الأحيان خير
عسى
عسى ديرتي من خير ل خير
وعسى افراحها دايم بخير وسعاده
ويكفيها شر اللي نواها بغير الخير
ومن شر من هم ناوين في فساده
كم من قريب
كم من قريب الك صار أكبر أعداك
و كم من بعيد لو حضر اسعد حضورك
و كم من رفيق وقت الضيق خلاك
و يفزع الك اللي تحسب أنه عدوك
فقدٍت لي واحدٍ ما هو عادي
في وجوده خير وغيابه مضره
لوعرف شلون قدره في قلبي
ما تركني للزمن خيره وشره
