كلمة حق " رغيف العيش "
بقلم : أحمد سرور
في كلمة لفخامة الرئيس عبد الفتاح السيسي تحدث موجها كلامه حول " رغيف العيش المدعم "
والذي يكلف الدولة ملايين من الجنيهات ..
نال القرار غضبا كبيرا من بعض المصريين كما تابعنا على السوشيال ميديا.
طيب ماتيجوا نحسبها بعقولنا ولو لثواني ونترك الشعارات بعيداً .
ومنها :
" بلاش رغيف العيش ياريس ، عيش الغلابة ياريس "
محتاجين شوية تفكير بسيط جدا..
لو معك خمس أولاد هاتشتري ليهم بكام شيبسي وبسكويت هاتنزل تقعد مع أصحابك على المقهى هتدفع كام ..
قررت حضرتك تسافر يومين مصيف وترجع أنت وزوجتك وأبناءك هتكلفك كام .
يا أهلي وياشعب مصر العظيم ، أنت تأخذ الرغيف المدعوم بسعر خمس قروش هو فيه حاجة في سنة ٢٠٢١ بتتعامل بالقرش فيه حاجة في تلك الايام بتتعامل بجنيه واحد فقط
ولما حضرتك بتأخد عيش التموين العشرون رغيف ب ٢ جنيه ده حضرتك ماتقدرش تدي بنتك ولا أبنك ٢ جنيه ينزل يشترى حاجة لنفسه أقل شئ خمسه جنيه ....
يبقى إزاي حضرتك زعلان وبتهاجم زيادة رغيف العيش ...
ولي ملحوظات كثيرة ولكن مختصرها أن بعض الناس وليس جميعهم مابيخدوش العيش وبيستبدلوه بسلع أو يأخذوا ثمنه عن طريق خصم من مبلغ التموين أو يأخذوه ليكون وجبات للطيور والمواشي هل هذا يرضي ربنا.
هل ضميرنا مرتاح الآن كيف سوف نساهم فى بناء مصر . ونتمتع بإقتصاد قوي .
كيف نكون سندا للدولة.
السوشيال مديا تساوي ما يتم تداوله من سلبيات تدفع الأمم للإنهيار .
تدبروا يااهلنا تدبروا الأمر جيدا سوف نجد ما تحدث عنه الرئيس أمرا واقعيا وحقيقة لابد من تغييره .