الفنان كريم محمود عبد العزيز يتحدث عن والده الفنان الراحل محمود عبد العزيز
كتبت / شيماء محمود
بعد وفاة بابا بسنة تقريبآ كنت في مرة نايم و المفروض أصحا عشان عندي تصوير
فجأة لقيت بابا بيصحيني بس من غير ما يلمسني و بيقولي بطريقته اللي متعود عليها منه ( إيه صباح الفل ) و أنا بتعامل عادي على إنه مفيش حاجة فقولت له ( صباح الفل ) لقيته بيقولي قوم بقا خود دش حلو كدا عشان تروح التصوير بتاعك و انت فايق كده و فريش وحلو و راح قالي حاجة ضحكتني فضحكت و دورت وشي ببص تاني مالقيتهوش
بعدها بفترة المخرج بيتر ميمي كلمني وقالي علي فيلم موسى فلما قريت السيناريو لقيت في وسط الفيلم مشهد بعد وفاة الأب تقريبا هو هو نفس المشهد اللي حصلي مع بابا لما صحيت من النوم بس في الفيلم فجأة الأب بيظهر و بقوله طب عايز تشرب .فببص تاني و بردو مش بلاقيه
بصراحة استغربت جدا وحصلت لي حالة غريبة وقت التصوير بقا لما جينا نصور المشهد كنت ببص لعم صلاح عبد الله كأني شايف أبويا قدام عيني و ساعتها بقيت بعيط حقيقي مش
تمثيل
