الليجا حزينه وشغف الكلاسيكو بيقل بعد خروج كرستيانو وميسي
كتب - خالد عصام
فكرة ان كريستيانو يخرج من الريال بعد سنوات المجد دي والتاريخ اللي حققه والارقام الفردية والجماعية اللي حققها .. والجانب التاني ميسي بيخرج من برشلونة ولاول مرة هيبقي بتيشيرت تاني غير البارسا ، التاريخ اللي صنعه ميسي مع برشلونة والالقاب اللي حققها دا بيدل إن الكورة بدأت تتغير بشكل جذري ، الجيل اللي معظم الناس وعيت عليه وطلعت عليه خلاص بتتغير وبنشوف اساطير الاندية بتتنقل من نادي لـ نادي ، الكورة حقيقي بتتغير وبنشوف ثوابت بدأت تتغير مع الوقت .. لو سألت مشجع من 4 سنين وقولتله كريستيانو وميسي هيخرجوا من فِرقهم كان هيقول عليك مجنون .. متعة الكلاسيكو انتهت .. انتظار الكلاسيكو من وقت للتاني هنفتقده خلاص .. الشغف بيبتدي يقل تدريجيًا .. المنافسة بينهم في كل موسم حتى آخر جدولة سنفتقدها .. المنافسة بين الاتنين دول حقيقي هي اعظم منافسة تمت بين اتنين لاعبين في تاريخ كرة القدم .. الليجا حزينة !
