بسم الله الرحمن الرحيم
(( وَلَا تَقْتُلُوا أَنفُسَكُمْ ۚ إِنَّ اللَّهَ كَانَ بِكُمْ رَحِيمًا (29) وَمَن يَفْعَلْ ذَٰلِكَ عُدْوَانًا وَظُلْمًا فَسَوْفَ نُصْلِيهِ نَارًا ۚ وَكَانَ ذَٰلِكَ عَلَى اللَّهِ يَسِيرًا (30) إِن تَجْتَنِبُوا كَبَائِرَ مَا تُنْهَوْنَ عَنْهُ نُكَفِّرْ عَنكُمْ سَيِّئَاتِكُمْ وَنُدْخِلْكُم مُّدْخَلًا كَرِيمًا (31)
صدق الله العظيم
رسالتي إلى من ظلم نفسه
قصيدة
انتحار ..
للشاعر والأديب
عماد الدين محمد
انتحار
ليه؟
بين الحياة والموت عايش
ساكن دروب اليأس خايف
بتدور على فرصه للحياة
بتتعلق بأى شيء للنجاة
عاطل وما لقيت القوت
إتعلمت وإتخرجت للملكوت
تعبان مش لاقي أمل ولا صوت
والأهل وسط الحياة ومشاكلها
وإتقفلت كل الأبواب والحدود
ليه؟
حسيت إن الحياة خسارة؟
والصمت أحسن من الكلام
وأنك عايش فى النسيان
على كل شيء ناقم
حبيت حسيت عشقت
والهجر كان دربك
ليه؟
ظروف الحياة صعبه
تايه فى بحر الضلال
جواك ألف سؤال وسؤال
بصيت فى عيون الناس
الأهل والأصحاب
وكل اللي حواليك
حالهم يفرق كثير
ليه؟
نسيت مين إداك الحياة؟
وإن مش من حقك تنهيها
لأنّك ملكش حق فيها
نسيت تسجد لله؟
وتحمده على عطاياه
ليه؟
من فوق جبين الكون
سلمت نفسك للشيطان
غواك؟
وبشرك بالراحة والسكينه
سلمت أمرك ليه؟
يلعب بيك
ها!
رحت فين؟
وصلت لجنته؟
ووقفت على أطلالك
ظالم لنفسك
سلمت روحك للعذاب
نسيت الله
ليه؟
فاكر الدنيا راحة!
من غير شقى وعذاب
نسيت إنّ اللى يصبر
ياخد جزاء الصبر نجاة
واللى يعترض على قضاء الله
ظالم لنفسه
والشيطان غواه
أديك بأيدك نهيت الحياة
مرتاح؟
هناك خلاص مرتاح؟
نسيت!
دي الدنيا للآخرة جسر
واللى يصبر ويحمد الله
ويعيش فى طاعته ورضاه
ينول الجنة والخلود
فى كنف ربنا اللي بدون حدود
دلوقتي
بعد ما ضيعت عمرك
بعد ما نهيت بأيدك الحياه
مرتاح؟
لا تنفع معك توبة
ولا فيه دعاء ولانجاة
ولا شيء يعوض
إعتراضك على قضاء الله
والآخر إنتحار؟
وخلود فى النار
لا كنت مرتاح فى دنيتك
وخسرت كمان آخرتك .