يا امى راجع بالكفن
بقلم طاهر فتحي
ايوا راجع بالكفن
توبى أبيض
توب جديد
بس دا يوم فرحتى
أنى راجع ليك شهيد
ايوا يا امى
اوعى تبكى
ولا تشكي
دا اليوم دا عرسى و فرحتى
أنى أموت اليوم شهيد
يا امى حوشى دمعتك
خلى ديما فرحتك
للقريب وللبعيد
ديما قوليها في خلوتك
إبنى البطل مات شهيد
يمكن يكون الغدر خانى
ايوا خانى
بس قبل ما يخون العباد
خان البلاد
خان الوطن
أصل دا واحد خسيس
اللي يقتل العباد
أصله خسيس
فماتزعليش إبنك بطل
والنهارده مات شهيد
غنى يا امى وافرحى
خلى الدموع تذهب بعيد
دا اليوم دا عرسى و فرحتى
أنى أموت اليوم شهيد
بيقولوا راجع بالكفن
ايوا راجع بالكفن
دا توب عريس
اللى قتل واحد خسيس
ومات شهيد
لازم تكون دى فرحته
لازم يكون اليوم عريس
يا امى راجع بالكفن
توبي ابيض
توب جديد
ماتزعليش
اوعى يا امى دمعتك
دا يوم زفافى
احلى عيد
اوعى تبكى في خلوتك
إبنك بطل
ومات شهيد
