لما انت مش بتحبها
شعر هاني الحداد
لما انت مش بتحبها
بتعشمها ليه
حرام ليه تجرح قلبها
وتقول بإيديا إيه
إبعدها عن هواك
مسيرها راح تنساك
دا حبها في بدايته
ممكن تقدر عليه
ليه تعيشها في وهم وكدب
ليه تخدعها بسم الحب
ليه تلاغيها وتلعب بيها
وقلبك دا لا اشتاق ولاحب
إبعدها عن هواك
مسيرها راح تنساك
دا حبها في بدايته
ممكن تقدر عليه
لما انت مش بتحبها
بتعشمها ليه
حرام ليه تجرح قلبها
وتقول بإيديا إيه
ليه تشاغلها أيام وليالي
ليه تشغلها بحب خيالي
ليه تسهرها و تحيرها
وإنت ياظالم قلبك خالي
إبعدها عن هواك
مسيرها راح تنساك
دا حبها في بدايته
ممكن تقدر عليه
لما انت مش بتحبها
بتعشمها ليه
حرام ليه تجرح قلبها
وتقول بإيديا إيه
