جنحة الضرب في القانون المصري

 منتخب مصر قوي بدنيا ولايقل عن اي منتخب عالمي

كتب - خالد عصام 

 الحمد لله خدنا نقطة غالية اوي من اسبانيا احدي المرشحين لذهبية النسخة الحالية 

= لكن دعوني  اقول ، احنا عينينا مش جايبة الملعب كله زيهم ، بنلعب المتاح حتي لو غلط عشان خايفين من ال Risk مع ان النهاردة ال Risk كان هيوصلك للجول كتير .. 

= دايما بندخل الماتشات الكبيرة و احنا شايفين نفسنا الطرف الأضعف مع اننا لو شوفنا نفسنا بطريقة صح هنلاقي نفسنا منختلفش كتير ، وان اي مدرب يقدر يطبق أفكاره اللي عايزها مهما كان الخصم ، انك تكسب تحدي انك تغرم خصمك علي طريقة لعبك حتي لو عنده عناصر اقوي .. 

= مش بلوم منتخب مصر ، نقطة غالية جدا هتخلينا نبص لقدام و نفكر في التأهل من مجموعة هيا الاصعب في البطولة .. 

= اداء دفاعي كويس جدا و معقول ، بنلعب قدام فرقة من منافسين ذهبية النسخة دي مع البرازيل و المانيا .. 

= كل الفكرة و المطلوب هو طريقة تكتيكية هجومية مفهومة و ذكية نقدر نبني عليها باقي الماتشات ، الدفاع للآخر عمره ما هيوصل لنتيجة مرضية .. 

=الاجتهاد عندهم مش صدفة ده Life style ، قادرين يظهروا موهبتهم قدام اي حد من غير خوف ، اكرم توفيق و عمار حمدي و فتوح مواهب رهيبة محتاجة مدرب قوي تكتيكيا ..

= الشناوي لازم يلبس شارة الكبتنة ، هو مصدر انتقال الثبات و الأمان لقدام ، اللي مش بيخلي الدنيا هايجة برغم خطورة امتلاك اسبانيا للكورة ، قائد بكل المقاييس