علي معلول بالنسبالي علامة فارقة في تاريخ المحترفين في الأهلي
كتب - خالد عصام
علي معلول بالنسبه لجماهير الأهلي علامة فارقة في تاريخ المحترفين في الأهلي. معجبين علي معلول بيشوفوا انه من اللاعبين اللي عندهم شخصية سوبر اضافت للجيل والفريق كتير جدًا . ورقميا على معلول هو اكتر ظهير ايسر في تاريخ الأهلي شارك في اهداف للأهلي معلول مساهم في ما يقرب من ٧٥ هدف بالصناعة او التسجيل وهو لاعب مدافع ويسبقه فقط في تاريخ الأهلي من الاجانب المهاجم امادو فلافيو
معلول لاعب في الملعب تقيل اوي اوي على اي مدافع بيلعب عليه معلول ملهوش طريقة عرضيات ثابتة معلول بيجيد حرفيا كل انواع العرضيات سواء عالية او ارضية او early cross . معلول من افضل الاظهرة اللي شوفتهم في افريقيا بيساندوا الاجنحة وبيستغلوا المساحات.
احصائيات
معلول السنادي في الدوري لعب ١٣ مباراة فقط من ٢٣. صنع في ال ١٣ مباراة ٨ اهداف وسجل ٣ يعني مساهم ب ١١ هدف . قوة هجومية مخيفة للنادي الأهلي بيقدمها معلول اللي قبل ما يجي الاهلي وبعد اعتزال سيد معوض فقدنا قوة مركز هو من اهم نقاط قوة الاهلي على مر تاريخه.
حقيقة مجردة غير قابلة للجدال مينفعش متحبش معلول من قلبك وتتمنى اسمه يرتبط بالاهلي لباقي حياته حتى بعد الاعتزال
