سلام للحب
بقلم
الشاعر والأديب
عماد الدين محمد
كل حاجة بتفكرني بيكِ
من البداية للنهاية
حتى طلِّت النهار
حتى كلمة إختيار
كل الشوارع
لينا فيها قصة
وحكاوي وغناوي
والنهاية
مرار الإنتظار
والسؤال
اللي منه العقل طار
فكراني
واللي زي الحلم
يطلع عليه الفجر
يتنسي وسط الزحام
ما هي ده الحياة
قدر
نصيب
ظروف
كلام يادوب
يصبرني ثواني
ويفضل الجرح
ينزف
والروح
متعلقة
بين الحياة والموت
والوحدة داري
نفسي أعرف
راحت فين الوعود
والكلام المكتوب
والمشاركة والوجود
ردى علي
ولا السؤال
مالوش جواب
إنطقي
خلي صخر الحرمان
يذوب
إجمعي إطرحي
والا حبنا
كان مجرد حلم
نصحى يادوب
فين وعدكِ
فين كلامكِ
نستيني
هان عليكِ
قلب حبكِ
من سنين
وباع نفسه
لاجل حلمكِ
يتولد
صحيح
اللي حبَّك
يبقى جمبك
مهما كانت الظروف
مش يغيب وينسى
ده هي كلمة والا حرف
أو صوت لأنفاسكِ
يداوي الجروح
كنت فاكر
إني غالي عندكٍ
لقيت غلاوتي
أرخص ما يكون
أخر حاجة على بالكِ
بالدليل
هجر
ونسيان
وفراق
مش بالكلام والظنون
الخسارة هى إنتِ
لما سبتي مكانكِ
جوه قلب حبكِ و صانكِ
سلام للحب
لو حتى بعتي
أو هجرتي أو نسيتي
حبيتكِ
حب مش عادي
إتولد بين إيديكِ
لو يموت
على إيديكِ
سلام للحب
عارفه ليه
علشان اللي بيني وبينكِ
والحب اللي كان جنينكِ
إتربى على الوفاء
لو نسيتى
فى يوم وجودي
وخلتيني هامش
على جبين حياتكِ
سلام للحب
ترجعي ولا مترجعيش
مش نسيكِ
عارفة ليه
لاني عشت معكِ
سنين
بالعمر اللي عدى
واللي جاي
ذكرياتكِ
وصوركِ
أو حياتكِ
هما لي عمري كله
صحيح حزين
بموت وأندفن
كل يوم
والحزن سور
سجن وصمت
والكلام هو هو
ذكريات
يوم الرحيل
هي كل اللي لي
حبيتكِ
وأنا لما أحب
مش بخون
فى وجودكِ
أو غيابكِ
قلبي اللى حبكِ
خلاص
كل يوم
تكثر علي الهموم
وفى النهاية
لو رحمنا
رب الكون
يمكن نتقابل
فى يوم
وتفتكري اللى حبكِ
واللى سبتيله الدموع
ولما أموت
إبقى إفتكرى
إني كنت بكِ حي
ولما أموت
صلي على روحي الغايب
واللي كان بحبكِ
يعيش يوم وجودكِ
بألف يوم
سلام للحب .