أنا كده
شعر هاني الحداد
أنا كده مالي كده
ولا عندي لك غير كده
عاجبك م الكحل إكحل
مش عاجبك لخص وإرحل
ولا تزعل بالشكل ده
أنا عارفه نفسي قوي
ياللي انت ظلمني قوي
لا عمري غلط في حقك
ولاغاب عن بالي يوم عشقك
إكمني بحبك قوي
لكن إنت بكل سهوله
بتقول حاجه مش معقوله
عمرها ماتعدي كده
عاجبك م الكحل إكحل
مش عاجبك لخص وإرحل
ولا تزعل بالشكل ده
أنا كده مالي كده
ولا عندي لك غير كده
في إيه كان جد عليا
عمال بتجرح فيا
وأنا ولا قوة ولا حوله
وكأني عامله أنا عامله
ولا داري أنا إيه بيا
وسامحتك ياما وياما
وإنت مقضيها ملاما
طب مين يتحمل كده
عاجبك م الكحل إكحل
مش عاجبك لخص وإرحل
ولا تزعل بالشكل ده
أنا كده مالي كده
ولا عندي لك غير كده
