"قالوا إوصفه. غنائى عامية. . طاهر فتحي
قالوا: إوصفها
قلت..أوصافها....
زهرة جميلة
عمري ما اقدر
احكي عن جمالها
لا فيه كلمة
ولا ميت غنوة
تقدر تحكي
نص جمالها
رقة.. نعومة بدون احزان
رموشها طويلة
عيونها كحيلة
بحر خدودها من المرجان
فوق شفايفها تغني الشمس
تسمع منها اجمل همس
مين راح يقدر يحكي اوصافها
كل جميل موصوف بجمالها
كل جمال مخلوق علشانها
عاشق أنا
جمال اوصافها
لما بتضحك تلاقي الجنة
ايوة الجنة بكل اوصافها
قولي ازاي اقدر اوصفها.
