مش فاكرة أول لقا
عزة عيد
لا قابلك عرفت يوم
ولا كنت بعرف أعوم
قلبي دق قولت أحب
معاك أنا دا يوم المنى
غمضت عيوني عنك
لاعيب بشوفه فيك
ولا صوتي يعلي عليك
وبأعلى صوت أعلنت
إني ليك أسلمت
ع الأرض معاك بدأت
مشواري وهكمله
حزن وأسى عشته
والهم انا شيلته
عيب اشتكى منك
مانا أصلي أنا اللي اخترت
لفيت بلاد وبلاد
والعمر أهو فات
هستني أي تاني
نويت اعيش وحداني
كتب القدر كلمته
سد وصد وهجر
مش فاكرة....
مكنش كلام وبس
يومها قلبي حس
انك عليا دوست
ذنبي كان حبي
ملعون أبوه الحب
اللي رماني ف سكتك
ماكنت يوم تنفعني
ولا كنت يوم وردتك
قدر وحكمه صدر
بالوحدة والسهر
