جنحة الضرب في القانون المصري

 موسيماني عجبته فكره لاعب وسط وهمي

كتب - خالد عصام 

 موسيماني عمل فكرة في ماتش صن داونز العودة في جنوب افريقيا ابتدي يبني عليها في ماتشين الترجي 

موسيماني عجبته فكرة لاعب وسط ملعب وهمي ، بيوري المنافس انهم ٣ خط وسط و الخطة ٤ / ٣ / ٣ لكن في الواقع اللاعب ده بيبقي مدافع زيادة بين بدر و ايمن اشرف ليبرو 

 وبتصبح الخطة ٥ / ٤ / ١ ، وسط رباعي بالعرض " طاهر - ديانج - السولية - قفشة " .. 

 دور حمدي فتحي كليبرو اللي موسيماني شاف انه افضل من رامي ربيعة بكتير في المكان ده 

 بيدي اريحية ل بدر بانون او ايمن انه يغطي زوايا طرف المنافس بيلعب فيها الكورة العالية بتاعته ورا معلول و اكرم عشان يتخلص من ضغط رباعي الوسط ، مش بيدي فرصة مساحات العمق للخصم ، دايما فيه عمق دفاعي بحيث يفضله اتنين مع تحرك طرفي ل بدر او ايمن لتغطية الجزء ده .. 

 اي مهاجم يفكر ينزل يستلم و يبني لعب من تحت بيبقي معاه حمدي فتحي Man to man و ده بيوفر علي قلوب الدفاع انها تتحفظ علي مراكزها الصحيحة و منع اي اختراق من العمق من اللعيبة اللي جاية من ورا .. 

بطئ بناء الترجي بيخلي موسيماني ميضغطش علي حامل الكورة حتي لما بتروح في مساحة طرف مبيضغطش ضغط عرضي ب قفشة او طاهر لا بيرجعوا خطوات لورا عشان يقابلوه من مناطق أقصي تلت الاهلي و ده اللي بيخلي كل زوايا اللعب الأمامية مقفولة و ترجع الكورة تاني لورا .. 

 أسلوب موسيماني الهجومي اه مش كويس و مش ممتع ، كلها كرات عالية من ورا بيحاول يستغل انصاف المساحات بعد تحضير بطئ و سحب اكبر قدر من لاعبي الترجي للأمام عشان قفشة و طاهر يضموا للعمق و يستقبلوا الكرات العالية لكن المشكلة انها مش بتبقي دقيقة ابدا و دي المشكلة عامة ، الاهلي مش بتاع كرات عالية من الخلف ، طول عمره لعب سريع علي الارض و ده اللي بيفتقده موسيماني لمدة شوط كامل و كمان اول شوط تاني .. 

موسيماني بيسحب طاقة الخصم بالطريقة الدفاعية دي و لو جاتله فرصة في الشوط الاول يحاول يستغلها لو مجتش مش مشكلة الشوط التاني و تحديدا من الفترة الدقيقة ٥٥ للدقيقة ٦٠ بيغير التكتيك ككل و يبدا شكل هجومي في اخر نص ساعة في الماتش ، فيها ريسك لكن تقريبا افريقيا بتتلعب كدة بس ، لكن افريقيا بس مش حاجة تاني .. 

 تغيير ديانج هو الأنجح ل موسيماني مع الاهلي ، اكتر لاعب ارهق في الماتشات اللي فاتت بدنيا لازم يرتاح في وقت زي ده ، في نفس الوقت فرصة أغير تكتيكي لشكل هجومي ، أصبحت ٤ / ٢ / ٣ / ١ في الدقيقة ٥٥ ، خلاص مش محتاج ليبرو في ظروف الطرد و التقدم لا انا اخلص الماتش دلوقتي ، حمدي بيطلع جنب السولية ، اجايي بيدخل في مسافة قريبة مع شريف ، حسين الشحات جناح يمين صريح و بيطلع ورا ظل شريف الخلفي ، قفشة بيعمل تمريرات ثلاثية في زوايا الطرف مع معلول و اجايي ، ده الشكل اللي الاهلي يقدر يعمل بيه خطورة هجومية كبيرة بس خلي اجايي False winger بتاع انصاف مساحات ، قفشة في العمق ما بعد الدايرة يستلم فوقيه ، خلي شريف حر في التحرك العرضي الأمامي ، حرر معلول ورا اجايي و يبقي هو ال Wing back ، اعمل شلل لخطوط الخصم بطريقة مش علي الورق زي ما عملت في الاول بس انت عملتها دفاعيا .. 

شكرا موسيماني بس محتاجين في ال Final نهاجم شوية مش ندافع لانه ماتش واحد بس و فيها ريسك كبير