الواقع في الوقت الحالي
.صالح العطوان الحيالي. العراق.
اه الزمن من يدور
يخلي راس البشر مديور
ما يعرف ايده
ياهي يمنة وياهي يسرة
ومصيبة كبيرة
تحل بالديرة
تخلي الاعوج والردي معدل
والحرامي يصير قاضي و يقوم يفتي
وتخلي ملك الغابة ينذل
وابو النفس العزيزة
صار بالما يسوة يتوسل
الما بي خير طلع لسانة
و يحجي عليك
والبي خير عنك ما يسال
عمت عين الوقت
خلة اشباه اارجال
على الرجال تتمرجل
هاي الدنيا عمت بيها العين
الاعوج صار عدها صار زين
ويذمون المعدل
الخايب بها الو قت مرتاح
بس الطيب والاصيل مبهذل
دخيل الله شحملنا هموم
كل ليلة نتبلل
سهرانين من الهم و الضيم
ونسلي نفسنا ونكول نتعلل
احنا بشر مو انبياء الله
حتى هواي نتحمل
هاي الناس ما تنجاس
يسقيها بوفا ويرجع ينذل
كان امنيته يحجي وياك
هسة كدامك يتختل
الما وقف وياك وقت الضيق
يجيك وقت الراحة يتكذل
