إعتذار للوطن
بقلم: نوره سليم
لما أشوف الدمعة نازلة
من عيونك..... بعتذر
إن قلبي اللي حبك
هو نفسة اللي جرحك
صدقيني.... بعتذر
عمري ما أقدر أن أشوف
الحزن مالي الكفوف
مرسوم علي جبينك يا بلدي
ياللي حبك هو سندي
في رحلتي...... بعتذر
يوم ما يجي حد ينهش
يوم في لحمك
ده اللي زحمك
جوه دايرة تلف بيكي
ويبقي لون الضلمة هو لون
عنيكي.......... بعتذر
داق وأكل اللقمة حلوة
من إيديكي والجميل إترد
نكران لأ ويرمي اللوم
عليكي........ بعتذر
وكل نقطة مايه ساريه
جوة دمي في جسدي جارية
يبقي حقي إني أقولك
آه يا غالية..... بعتذر
كل شاب إتربي فيكي
جاله يوم وغضب عليكي
ده اللي هاجر واللي سافر
بره حضنك.... بعتذر
راح في غربه هي تربه
وبالمكابره شافها عزبه
ينسي أرضه هي عرضه
وسابها ثايره من المزايده
لحد تاني...... بعتذر
لأ يا حرة يا أبية ولقبوكي
بالبهية اللي ولا يقدر عليكي
جيش محارب نفسه فيكي
لأ و يبقي العين عليكي.. بعتذر
أمي أم الكون يا بلدي
والجميع يشهد عليكي
اللي لو سجدوا إليكي
مش كفاية...... وبعتذر
