لاتداري خواطر
د.صالح العطوان الحيالي. العراق
لا تداري خواطر ماتداريـك
بعض مـدارات الخواطر مذله
كم واحد تملق على شان يرضيك
وكم واحد تعبك على شان ترضيه
ويصبح ضنك فيه ليس بمحله
بين فترة وفترة
تهيج علي أحزان الفراق
تذكرت بيتي اللي بنيته
بدمي وتعبت عليه
تذكرت بيتي اللي بي تربيت
تذكرت أصدقاء الطفولة والشباب والكهولة وكعداتنا الحلوة ولمة الناس
تذكرت كعداتنا في المقاهي
وكلامنا وسمرنا وسهرنا
هلت عيوني بدمعها لما جفت العين
سواد العين بجفاهم بكينا
حاولت اسلي روحي بأي شي
لكن والله كل موقف ما نسيته
صرخت بأعلى صوتي
مشتاق وصارت المدة طويلة
دعيت الله أن تعود الأيام
ياربي شكثر صلينا ودعينا
ما نريد نموت بدير الاغراب
كثير أحباب ما تكدر تجينا
كشف الزمن من هو الصادق
ومن هو الكذاب
ناس كنت احسبها حزام ظهري
طلعت كلها مصالح وكذب مو احباب
هذا الوكت اغبر
الاخ ما يسأل عن اخوه
حتى وإن كان بديرة الاغراب
كانت خوتهم مصلحة
تناسوا كل شي زين
عرضنا انفسنا لمخاطر
حتى لايصيبهم شين
