لحظة سكوت
للشاعر والأديب
عماد الدين محمد
فى لحظة السكوت
وشريط الذكريات
يقلب فى اللي فات
وينبش بين الجروح
وفى لحظه
خلاص
بطلت حتى تبوح
ولا حتى عيونك
تشوف
كل شىء
خلاص
جوايك مات
يروح اللى راح
ويرجع اللي غاب
فى لحظة السكوت
كله بقى عادى
يوم فات واللي جاي
وتشابه عجيب
حتى وجوه الناس
هي هي فى المرايا
كل الحكاية
شوية رتوش
وملامح الوشوش
تتغير مع الزمن
وفجأة
يسكت جواك الكلام
ويضيع كل شيء
والحلم
فى النهاية
يدوب منه تفوق
تدور على ملامحه
كله داب
وفى زحمة الهموم
تنتهي
تكون أو لا تكون
نهاية أو بداية
كله عادي
كل دا
فى لحظة السكوت .
