جنحة الضرب في القانون المصري

 المقاومة شرف وانتصار

كتب محمود فوزي

لا شك أن هناك كثير من الحقائق التي يعلمها الناس ولكن تتعمد أن تغفل عنها ومن ضمن هذا الحقائق أن هناك غاصب ومغتصب احتلال ومحتل قوة وضعف 

عنف و مقاومة فعلي مدار التاريخ  أن أية دولة احتلت دولة أخرى  فهذا معناه بالعقل والمنطق إن  هناك  فرق كبير  ا بين الدولتين في القوة العسكرية  وإلا مكانتش استطاعت  دولة أن تحتل الدولة الأخري أو قدرت تهزم التانية وتحتل أرضها ..

وبالتالي أى دولة يتم احتلال أرضها لابد أن تقاوم وان يكون هناك مقاومة شعبية  ولاتقبل بالاحتلال

وبالتالي هنا هتبقي المقاومة بدائية وضعيفة مقارنة لدولة تتمتع بقوة عسكرية راهيبة  لأننا اتفقنا إن فيه فرق كبير فى القوة بين الدولتين ولو مكانش الفرق ده موجود مكانش الاحتلال حصل من الأصل وهذا لايعيب المقاومة إنما تذدات فخر وعزه 

ده اللى بيحصل فى كل حركات المقاومة ضد الاحتلال على مدار التاريخ ..

نلسون منديلا كان بيوجه بارتوريا العظمي ( جنوب افريقيا) بأسلحة بدائية إلي أن استطاع أن يخرج المحتل من أرضه وأصبح فيما بعد رئيس الدولة وكذلك

 عمر المختار كان بيواجه الاحتلال الإيطالى وهو راكب حصان وشايل بندقية وقصاده الجيش الإيطالى بيحاربه بطيارات ودبابات ومدرعات وأسلحة كيماوية وغاز الأعصاب ..

هل حد يقدر يقول إن عمر المختار كان غلطان !! أو إنه كان بيرمى نفسه وشعبه فى التهلكة !! أو يقول إيه قيمة اللى كان بيعمله وهو بيحارب جيش أقوى منه بمراحل وبحسابات العقل مستحيل ينتصر عليه !!

كذلك الشباب المصري كان بيهاجم الانجليز في معسكرات القناة ويواجه بأقل إمكانيات انجلترا اللي كانت القوة عظمي في العالم وقتها  

الشعب المصرى لما واجه جيش نابليون بونابرت بالسيف وبالعصاية وعجز نابليون عن السيطرة على القاهرة لغاية ما اضطر ينصب المدافع فوق جبل المقطم ويقصف القاهرة بكل وحشية حتى مات آلاف المصريين واقتحم نابليون الأزهر بالخيول ..

هل تقييمنا للى عمله أجدادنا إنهم كانوا حمقى وألقوا بنفسهم فى معركة خاسرة أمام قوة عسكرية أقوى منهم بمراحل ؟؟ ولا إنهم أبطال بنترحم عليهم وبنرفع راسنا وإحنا بنتكلم عنهم وبنقول دول أجدادنا ؟؟.

وكذلك ثوار الجزائر اللى كانت فرنسا بتقصفهم بالطيران وبالصواريخ وهم بيطلعوا على الفرنسيين بالبنادق والسكاكين .

ده الواقع فى كل حركات التحرر ضد الاستعمار فى التاريخ ولا يمكن إنسان عاقل عنده ذرة شرف يقول على اللى بيدافعوا عن بلدهم إنهم غلطانين وبيرموا نفسهم فى النار بدون مقابل ..

نفس الكلام ينطبق على الفلسطينيين اللى مع الأسف فيه ناس بتتريق على صواريخهم وبتقول بيموتوا كام واحد يعنى وشوف إسرائيل هتموت قصادهم كام واحد .. 

أهل فلسطين أبطال حتى لو قتلوا إسرائيلى واحد وإسرائيل قتلت قصاده ألف واحد ومقاومة المحتل اللى سرق أرضى واجب يقره الدين وشرف وفخر وعزه