جندي الحدود
بقلم: نوره سليم
نهارك سعيد يا جندي مجند
و أيد من حديد بتحمي أرضك
بتحمي عرضك وسيد في بلدك
ومش من العبيد
نهارك ده فل معطر بظل الكتائب
ووافقه إنتباه ب إنتظام
لأجل الحياة ودم بيجري
مابين الحيطان
شباب من زمان عاهدت ربها
تهدر دمها ...... سبيل البلاد
لأجل الحياة ليا وليك وكل العباد
نهارك سعيد عزيزي المجند
ب أيد من حديد تشيل بندقية
في وش البعيد بهيبه عافيه
ووعيد للي عايز بلدنا ضحية
تسلم يا رمز الوفاء والعزيمة
وضد الهزيمة بشير الرخاء
وبلدي الحبيبة بتهدي الورود
لكل مجند في أرض الحدود .
