ماستهلش
بقلم:امير علي
ماستهلش اكون حبيبك ماستهلش دمعة منك
اقُول لازم يوم اسيبك ضعف مني وغصب عني
كان بايدي ماتضعيش بس ليه سيبتك تضيعي
قولي لا ماتضعفيش قولي لا خلاص وبيعي
منا لو رجعت هضيعك زي مني زمان ماضيعتي
حتى لو هستسمحك انسي ولا كأنك سمعتي
قلبي عمره مافرحك وانتي كنتي بتداويني
عاش حياته يجرحك وانتي لازم تجرحيني
ايوا نفسي اكون معاكي بس ماقدرش اوعدك
اني هقدر اصون هواكي وعن همومي ابعدك
حبك انتي في قلبي ساكن لا دا حبك دنيتي
ذنبك ايه انك تضيعي او تيتوهي في سكتي
منا لو رجعت هضيعك زي مني زمان ماضِعتي
حتى لو هستسمحك انسي ولا كأنك سمعتي
منا ماستهلش اكون حبيبك ماستهلش دمعة منك
اقول لازم يوم اسيبك ضعف مني وغصب عني.