اقرأ التفاصيل
recent
أخبار عاجلة

الفنان أحمد زكي وطيبة قلبه كيلو كباب وكفته للكلاب الضالة

 الفنان أحمد زكي وطيبة قلبه كيلو كباب وكفته للكلاب الضالة




كتبت شيماء محمود 

الفنان إبراهيم نصر  يحكي أنه كان مع الفنان احمد زكى

 قالي أنا جعان تعالى أنا عازمك على كباب وكفتة ولأنه كان راجل بسيط جدا رحنا لمحل كده هو كان بيحبه كانت قعدته على الرصيف  بدأ يتحطلنا الأكل  وعلى ريحة الأكل إتجمع كلاب الشارع  كلب ورا كلب ورا كلب أول ما صاحب المحل شاف المنظر جري ناحية الكلاب ومسك كلب وقعد يضرب فيه برجله  أحمد زكي قام وراح حايشه ومنعه ومزعقله وقاله إنت بتضربه ليه جعان يا أخي ذنبه إيه إرحم يا أخي وراح قايله أدخل  هاتله كيلو كباب وكفتة واعمله هنا على الرصيف سرفيس كامل وسلطات وكل حاجة كإنك بتنزل لزبون

بيقول وفعلا الراجل دخل وجاب الكباب والكفتة  وفرش للكلب على الأرضوكل شوية أحمد زكي ينده عليه ويقوله هاتلةسلطة  هاتله عيش  وكأنه عاوز يبسطه وينسيه تعب الضرب والأهانة

بيقول الغريب إن الكلب كان بياكل وهو خايف وعمال يبص وراه لانه اتعود ان مفيش لقمة بتيجي سالكة كده 

راح أحمد زكي باصصلي وقايلي  شوف خايف ازاي حتى والأكل جايله مخصوص مش سرقة صعب انك تخلي حد يطمن بعد ما عاش طول حياته في خطر  اللي بينكسر مننا وبيتخان مبيصدقش ان ممكن حد يحافظ عليه تاني وبيعيش حياته بيتلفت وراه كده لو الناس تعرف الأذى اللي بتسببه للحيوانات والبشر هيعرفوا انه مبيتنسيش مهما طال الزمن وهنعيش مروشيين بسببهم




google-playkhamsatmostaqltradent